Chris van der Westhuizen

Hierdie aand.
Nie net nog ‘n aand
waar sterre die hemellig
deur verskiet nie.

Nee, dit is my aand
waar ek die ster is,
waar my hele lewe
sprankelend begin skyn.

Op hierdie aand
word ek bekroon
met goud in rooi
Die plegtigheid is net te mooi.

Na hierdie aand
sal ek as koning
vir my mense leef;
vir my land ‘n verskil maak.

Na hierdie aand
sal almal in oorvloed
en in harmonie saamleef.
Die sterkste land ooit wees.

Maar...

Word ek in hierdie aand
slaapend gevind,
is my hele droom
weereens net verby.

As ek na soveel kere
net eenkeer kan deurdruk,
en die sonopkoms sien,
was hierdie aand dalk verdien.

                              Chris M. v/d Westhuizen '2005