Chris van der Westhuizen

Drupreën uit die wolke
Die koue wil ons knak,
Nooi gou uit jou maters
Dis tyd vir pannekoek bak.

Die reuk van die kaneel
Met suiker soet soos stroop,
Vul die hele kamer
Nou wil niemand loop.

Die stofie in my kamer
Skep 'n warm atmosfeer,
En ons as Afrikaners
Sal die tradisie nooit verleer.

Oor so baie kan ons kuier
Met 'n soet ding in die hand.
Vir pannekoek tydens reën,
Gee ek my een voortand.

                              Chris M. v/d Westhuizen '96