Chris van der Westhuizen

Een aand sit ek op die stoep,
Die nag is nogals donker
Toe hoor ek die geroep.

Ek is Jonas o Here, kom hy tot verhaal.
Dit is so swaar hier op die aarde
Glo my Here, erger as die hel.
Ag stuur asseblief vir engel Gabriel
Sodat hy vir my hier kan kom haal.

Die volgende aand kom kuier oom Piet,
Ons het nog so 'n doppie geniet
Toe hoor ons die verdriet.

Ek is Jonas o Here, kom hy tot verhaal.
Dit is so swaar hier op die aarde
Glo my Here, erger as die hel.
Ag stuur asseblief vir engel Gabriel
Sodat hy vir my hier kan kom haal.

Oom Piet met sy grys kop en baard
Stap toe daar na Jonas waar hy bid.
Jonas hoor die stappe en vra, wie's dit?

Dit is ek engel Gabriel, Jonas
Jy het my laat roep.
Met 'n groot geskrik en 'n gluur
Kom die antwoord pieperig deur.
Jonas sê hy's nie hier!

                              Chris M. v/d Westhuizen '96