Chris van der Westhuizen

Gedigte en Gedagtes

Besoekers - Totaal: 76531

Klein Viola

Van kop tot tone
nie ‘n gewone nie,
maar ‘n wonderwerkie
deur God aan ons gegee.

Jy’s ons blonde blou-oog
appellieffie dieffie,
met ‘n goue geaardheid
wat almal se harte steel.

Met jou altyd laggende ogies
en tandjies wat wys,
laat jy almal al vroliker
jou liefde in hul deuntjies wys.

Jy wat so mooi kan dankie sê,
en so spontaan vir almal waai,
en alles strekkend op voet verken
terwyl jy jou eie deuntjies neurie;

Jy wat al uit ‘n glas kan drink,
en ons al sommer gou met ete wen,
en wie so mooi Mamma en Pappa sê...
Mag jy ons liefde in oorvloed ken.

                              Chris M. v/d Westhuizen '2005

Lys van Gedigte