Chris van der Westhuizen

Gedigte en Gedagtes

Besoekers - Totaal: 75659

My Viola

Jy is die goudstrale
in die oggendson;
Die ploegreuk op die lande.

Jy is die titseltjie kaneel
in my appelpasty;
Die mintgeur in sjokolade.

Jy is die sprankel
in my vonkelwyn;
Die heuning in my melk.

Jy is die melodie
in my simfonie orkes;
Die deuntjie in my kop.

Jy is my Suiderkruis
in die hemelruim;
Die droom in my slaap.

Jy is die gelukkige gedagte
wat altyd warm in my brnad;
Die lekkerste nasmaak.

                              Chris M. v/d Westhuizen '2005

Lys van Gedigte