Chris van der Westhuizen

Gedigte en Gedagtes

Besoekers - Totaal: 76718

Sing met liefde

Sing vir my ‘n lied
waarin jy vir my vertel
dat jy my nog so liefhet
al gaan dit nie aldag wel.

Sing vir my ‘n lied
waarin jy vir my beloof
dat niemand ooit sal regkry
om jou van my te roof.

Sing met my in kanon
as jy nie saam my stem.
Ons opienies mag verskil,
maar so leer ons mekaar ken.

Sing vir my uit volle bors
as jou gemoed begin opwen.
Onthou net dat jou tong is
soos ‘n skerp gesluipte lem.

Sing vir my op ritme
as ek dit sou verloor.
Laat ons mekaar ondersteun
in ‘n passievolle koor.

Sing vir my jou hart uit
oor jou daaglikse warboel
Ek stel net belang in jou,
wil jou geliefd laat voel.

Sing vir my so saggies
as jy rustig oor ons voel;
As ons bymekaar is
in ‘n melodie gewoel.

Sing saam my in harmonie,
laat ons mekaar aanvul.
Ons sal nooit kan voorspel
wat die lewe mag onthul.

Singend sal ons saam wees
deur nog baie jare saam...
En as d-dag mag aanbreuk,
ons mekaar lankal sal verstaan.

                              Chris M. v/d Westhuizen '2005

Lys van Gedigte