Chris van der Westhuizen

Gedigte en Gedagtes

Besoekers - Totaal: 76534

Die Wond

Jare is verby...
Maar die gevoel in my
bly maar 'n ou pitsweer.

Gedagtes streel so liggies om die roof;
'n Tydelike pynverligter; afleier.

Versigtig!

Ek wil nou nie
ou wonde oopkrap nie!

Maar dis nie 'n wond
wat al ooit genees het nie.
Nee, dis nog altyd maar ontsteek.

Elke dag nog 'n bietjie
inflamatories,
besmet met seer gedagtes
histories van aard.

                              Chris M. v/d Westhuizen '2004

Lys van Gedigte