Chris van der Westhuizen

Gedigte en Gedagtes

Besoekers - Totaal: 76808

Ek's gek oor my plek

Alvorens ek begin vertel
Deel ek eers ‘n kreet, my pel.

Ek's gek oor my plek!

Soggens as die son sy goue strale
orals in my huis kom strooi,
en die varsgebakte karringmelkbeskuit
hul reuk opdringend na my gooi.
En smiddae as hasie en die hoendertjies
die groot groen grasperk patrolleer,
en Kietsie weereens die fontein
se springende gourdvissies ontdek.
En saans na ‘n melktert en koffie kuier
wanneer Klaasvakie sy sand kom strooi.

Dan dink ek elke keer
aan hierdie lekker huislike atmosfeer.

Ek's gek oor my plek!

                              Chris M. v/d Westhuizen '2004

Lys van Gedigte