Chris van der Westhuizen

Gedigte en Gedagtes

Besoekers - Totaal: 76530

Ons twee

Hoor hoe die sagte reën
eentonig van die geut afdrup.
Nee, hoor dit nie, maar
voel dit in jou ore.

Nie ver daar vandaan
kom 'n vinniger, sagter drup
drup-drup deur.
Die dubbeltone maak musiek.

Die vinniger druppeltjie
gee die pas aan.
Die swaar harde druppel
se klok wil-wil gaan staan.

Eentonig sou dit wees as
net een druppelstraal sou bloei,
sonder 'n maat langs hom
wat 'n reënboog sproei.

Saam is hulle musiek,
al is hulle hoe verskillend.
Hoor die wysie wat hulle
tog aan mekaar bind.

                              Chris M. v/d Westhuizen '2002

Lys van Gedigte