Chris van der Westhuizen

Gedigte en Gedagtes

Besoekers - Totaal: 76531

Maalgat

In die maalgat van die lewe
Dwarel, skaaf ons saam.
Ons is nog ver van glad,
Geslyp nog min.

Hierdie slyping neem tyd,
Is 'n langtermyn proses.
Met tyd word ons gladder
Die hakplekkies vergruis.

As ons albei sag is
Sal ons saam kan vorm.
Anders gaan een wegslyp
Kleiner as 'n korrel.

Die sagtheid van ons liefde
Gaan die tempo bepaal
Waarteen ons vervorm,
Die hakplekkies wegmaal.

So kom ons pak die maalgat
As twee tieroogklippe aan.
Kom ons kry 'n beleid
Teen die woeste water stryd.

Saam sal ons dan eendag
Kan spog met 'n blink glans.
Saam as twee knikkertjies
In die lewenspel.

                              Chris M. v/d Westhuizen '97

Lys van Gedigte