Chris van der Westhuizen

Gedigte en Gedagtes

Besoekers - Totaal: 76532

Myle vir jou

Die lugspieëling van jou
Daar ver in die pad,
Laat my harder
Op die petrol trap.

Myle sal ek aflê
Net om jou te sien.
Elke kilometer,
Die moeite werd.

Elke meter
Nader aan jou,
'n Klopslag
Meer in my hart.

Dat afstand
Nie ons liefde skei,
Sê nogals baie van
Jou liefde vir my.

Daar gaan die bordjie
Wat halfpad aanwys.
Daar's 'n opgewekte deuntjie
Wat nou in my ore suis.

Ja, daai kilometers
Nader aan jou
Laat my hart
Glad nie verflou,

Want elke meter
Nader aan jou,
Is 'n klopslag
In my hart, vir jou.

                              Chris M. v/d Westhuizen '97

Lys van Gedigte