Chris van der Westhuizen

Gedigte en Gedagtes

Besoekers - Totaal: 76534

Jy

Jy is vir my 'n reënboog
Op 'n sonnige reëndag môre.
Jou liggaam soos 'n eiland,
'n Onontdekte wildekus.

Jou oë die sonopkoms
Op ou Suid-Wes se vlakte.
Jou trane soos die dou
Wat afloop van 'n varing.

Jou glimlag soos branders
Wat saggies breek op rotse.
Jou stem 'n panfluitwysie
Wat sagkens op my ore val.

Jou asem wat ek inhaal,
Die reuk van 'n ryp appelkoos.
Jou soene soos die hap
Aan 'n sappige kiewievrug.

Jou gees weerspieël die bogenoemde,
'n simfonie wat my siel betower,
'n Volmaakte meisie sonder foute.
Jy het my hart verower.

                              Chris M. v/d Westhuizen '97

Lys van Gedigte