Chris van der Westhuizen

Gedigte en Gedagtes

Besoekers - Totaal: 76808

'n Druppeltjie Skinder

Een kleine druppel
Drup uit die mond
Met tyd loop die druppel
Tot op die grond

Die druppel water
Het 'n spruitjie geword
En vloei in die straat af
Vat saam 'n stuk grond

Verder loop die spruitjie
Reg deur die stad
'n Rivier het gevorm
En maak alles nat

Die rivier water
Het 'n see geword
Met branders wat hoog
Oor geboue stort

Kyk na die mense
Nie een wat wil lag
En dit weens 'n druppel
Een lieflike dag.

                              Chris M. v/d Westhuizen '96

Lys van Gedigte