Chris van der Westhuizen

Gedigte en Gedagtes

Besoekers - Totaal: 75657

Jou Roos...

Ek wil jou roos wees
Wat blom op 'n vroeë lentemôre.
Wat my geur van liefde,
Vars oor die môreson laat hang.

Ek wil jou betower
Met die dou-glans op rooi.
Betower met opregtheid
Wat skitter, meer as mooi.

Ek wil soos die doring
Standvastig teen gevaar.
Jou beskerm teen 'n ander,
Dis verseker waar.

Ek wil soos die stingel
Standvastig teen die wind,
Hê dat ons liefde,
Sterker, weer sal bind.

Ek kan jou roos wees
Wat volmaak in die lente bloei.
Maar water het ek nodig,
Van jou, my liewe nooi.

                              Chris M. v/d Westhuizen '95

Lys van Gedigte