Chris van der Westhuizen

Gedigte en Gedagtes

Besoekers - Totaal: 76529

Die Toutjie

Elke mens het vir hom
'n toutjie daar gestel.
'n Toutjie waaroor hy
nie graag sal wil trap.

Hierdie toutjie is gemaak
uit godsdiens en respek,
en lê net so ver van jou
as wat jy dit graag wil hou.

Deur die godsdiens in jou lewe
kan jy daarna streef
om jou deugde uit te bou
soos jou Vader daarvan hou.

Met respek aan jou naaste
en respek aan jouself
sal jou nie net in die openbaar,
maar orals, rein verklaar.

Deur respek aan jou naaste
sal jy tweekeer daaraan dink,
voor jy oor die toutjie
van 'n ander spring.

Want as jy oor 'n ander
se toutjie durf trap,
ken jy glad nie God nie
en respek aan jou, verslap.

                              Chris M. v/d Westhuizen '95

Lys van Gedigte